2016-09-17 12:05

რუსული საბრძოლო რობოტი, რომლის წარმოებაში ჩაშვება ქვეყნის თავდაცვის უწყებამ დიდი პომპეზურობით დაანონსა, პირდაპირ ეთერში ტრანსლირებული გამოცდის დროს გორიდან გადავარდა და დაიმტვრა. 

წარუმატებელი გამოცდის ამსახველი კადრები რუსეთის თავდაცვის სამინისტროს მართულ ტელეკომპანია "ზვეზდის" პირდაპირ ეთერში გავიდა და ცალკე ვიდეომასალის სახითაც გავრცელდა.

კადრში ჩანს, რომ სამხედრო ჟურნალისტმა და ინსტრუქტორმა ვერ შეძლეს იმ ოპერატორის დროული გაფრთხილება, ვინც რობოტს მართავდა და ვისაც ის ზედ გორის კიდეზე უნდა გაეჩერებინა, რის გამოც "ურანმა" სვლა გააგრძელა.

რობოტის შეჩერება თავიანთი ძალებით სცადეს ინსტრუქტორმა და ჟურნალისტმა, მაგრამ ამაოდ.