2016-08-10 13:30

რიო-დე-ჟანეიროში, ერთერთ სასტუმროში, რომელიც კოპაკაბანას სანაპიროზე, ქვიშის ფრენბურთის არენის სიახლოვეს მდებარეობს, თბილისის დროით დაახლოებით 07:00 საათზე აფეთქება მოხდა. 

აფეთქების მიზეზი ამ დრომდე დაუდგენელია. შემთხვევის ადგილზე სამართალდამცველები მუშაობენ, აფეთქების შედეგად არავინ დაზარალებულა. მომხდარი ფაქტის შეფასება ჯერ არ გაუკეთებია ბრაზილიის ხელისუფლებას ან სამართალდამცავი სტრუქტურების კომპეტენტურ წარმომადგენელს. 

აღსანიშნავია, რომ აფეთქება სწორედ იმ სასტუმროში მოხდა, სადაც საქართველოს სპორტისა და ახალგაზრდობის საქმეთა მინისტრი თარიელ ხეჩიკაშვილი და მისი მოადგილე შალვა გოგოლაძე არიან დაბინავებული.