-
2014-02-17 19:31
საქართველოს ყოფილი პრემიერმინისტრის , ვანო მერაბიშვილის ადვოკატის, გიორგი ჩივიაშვილის განცხადებით, დაცვის მხარე სასამართლოს მიერ დღეს გამოტანილ განაჩენს, ყველა ინსტანციაში გაასაჩივრებს:
"ჩვენ აუცილებლად გავასაჩივრებთ სასამართლოს გადაწყვეტილებას ყველა ინსტანციაში. ხედავთ, რომ დღევანდელი ხელისუფლების მხრიდან სასამართლოზე ზეწოლა ხორციელდება, რადგან სასამართლოს მიერ უგულებელყოფილი იქნა ყველა ის ფაქტი, რაც მერაბიშვილისა და ჭიაბერაშვილის დაცვის მხარეს ჰქონდა.
მართალია, ჩვენ დიდი იმედი არ გვაქვს გასაჩივრების შემთხვევაში, რომ სამართლიანი განაჩენი იქნება გამოტანილი, თუმცა ამისთვის ყველა ინსტანციას გამოვიყენებთ", - განაცხადა გიორგი ჩივიაშვილმა.
შეგახსენებთ, რომ ქუთაისის საქალაქო სასამართლოში დღეს გამართულ პროცესზე, გამოტანილი განაჩენის მიხედვით ვანო მერაბიშვილს 5 წლით თავისუფლების აღკვეთა, ზურაბ ჭიაბარებაშვილს კი ჯარიმა, 50 ათასი ლარის ოდენობით შეეფარდა.