-
2014-02-17 13:00
საქართველოს უშიშროების საბჭოს ყოფილმა მდივანმა, გიგა ბოკერიამ ვანო მერაბიშვილისთვის 5 წლით თავისუფლების აღკვეთის შესახებ კომენტარი გააკეთა. ბოკერიას განცხადებით, მსგავსი გადაწყვეტილება ძვირი დაუჯდება როგორც დღევანდელ ხელისუფლებას, ასევე საქართველოსაც:
“მოსამართლემ ვერ გაუძლო წნეხს, ეს არის პოლიტიკური გადაწყვეტილება, ეს გადაწყვეტილება, რაზეც პასუხს აგებს პირველ რიგში ღარიბაშვილის მთავრობა, დღევანდელი ხელისუფლება და პირველ რიგში მათი დეფაქტო მმართველი, ივანიშვილი.
მათ დაუჯდებათ პოლიტიკურად ძალიან ძვირი, მაგრამ სამწუხაროდ, ქვეყანასაც ძალიან ძვირი დაუჯდება ამ პოლიტიკური კულტურის დანერგვა, ის, რომ ოპონენტებს პოლიტიკური მოტივით სვამენ ციხეში.
სასამართლოსაც დაუჯდება ძალიან ძვირი ასეთი პრეცედენტები, როდესაც აშკარად რეჟიმისადმი ხარკის გადახდა მოხდა, ნებისმიერი ადამიანისათვის ნათელია, რომ ეს დიფერენციაციაც არის გაზავების მცდელობა, ეს არის ცუდი დღე არა მხოლოდ მართლმსაჯულებისთვის, არამედ ქვეყნისათვის“, - განაცხადა გიგა ბოკერიამ.