-
2014-02-17 09:30
ყაჩაღობა მოხდა თბილისში, კრწანისის ქუჩაზე, სადაც მარსაგიშვილების ოჯახში თავდამსხმელებმა შეაღწიეს, კარები შიგნიდან ჩაკეტეს და ოჯახის წევრები აწამეს.
ყაჩაღობის დროს სახლში ქალბატონი წლინახევრის ბავშვთან ერთად იმყოფებოდა. თავდამსხმელებმა, რომლებმაც ბინაში შესვლისთვის გაზის სამმართველოს თანამშრომელთა სტატუსი გამოიყენეს, ისინი სკამებზე დააბეს.
წინასწარი ინფორმაციით, ოჯახიდან არაფერია წაღებული. მოგვიანებით შველა თავად ქალბატონმა ითხოვა, რის შემდეგაც მეზობლებმა პოლიცია და სამაშველო სამსახური გამოიძახეს. მეზობლები აცხადებენ, რომ გონზე მოსვლის შემდეგ ქალბატონი აივნიდან ითხოვდა დახმარებას.
შსს–ში აცხადებენ, რომ სისხლის სამართლის საქმე ყაჩაღობის მუხლითაა აღძრული. უწყების ინფორმაციით, მარსაგიშვილების ოჯახში ანალოგიური შემთხვევა 2010 წელსაც მოხდა.