2014-02-11 10:24

„რადიო აფხაზეთის ხმის“ მიერ გუშინ, გვიან ღამით გავრცელებულ ინფორმაციას იმის შესახებ, რომ მეტრო „რუსთაველის“ ბაქანზე ორი პოლიციელი სცემეს“, შსს–ში ადასტურებენ.

უწყებაში აცხადებენ, რომ ორი სამართალდამცველია ნაცემი და ამბობენ, რომ დაკავებულია რამდენიმე პირი და აღძრულია სისხლის სამართლის საქმე, შსს კი განცხადებას, სავარაუდოდ, ცოტა ხანში გაავრცელებს.

გუშინ, დაახლოებით საღამოს 12 საათზე მეტროს სადგურ „რუსთაველის“ ბაქანზე ორი მორიგე ქვეითი პატრული ახალგაზრდების ჯგუფმა სასტიკად სცემა. შეჩერებული იყო მატარებლების მოძრაობა, მოჩხუბართა გაშველება მოქალაქეებმა სცადეს.

„აფხაზეთის ხმის“ ინფორმაციით, დაახლოებით შვიდკაციანი ჯგუფი პოლიციელებს დაუნდობალდ ურტყამდა. როგორც „აფხაზეთის ხმის“ ექსკლუზიურ ინფორმაციაში იყო ნათქვამი, მოჩხუბართაგან ორი ცოტა ხნის წინ გათავისუფლდა საჯელაღსრულების ადგილიდან.