2015-03-15 14:27

,,ვინც დადის ჩემს პროცესზე, ვთხოვ, აღარ იარონ, რადგან მე აღარ ვაპირებ მოსვლას,საქართველოს სასმართლო არის ჩმორების ადგილი,"– თბილისის ყოფილმა მერმა ამ განცხადების შემდეგ საქალაქო სასამართლოს სხდომათა დარბაზი დატოვა.

გიგი უგულავა ფიქრობს, რომ მისი პატიმრობაში ყოფნა ივანიშვილის პოლიტიკური დაკვეთაა და მას 21 მარტის აქციის წინ არავინ გაათავისუფლებს.

,,ბრალდებები არის შეთითხნილი და ასრულებს შიზოფრენიკი მანიაკის მოთხოვნას. თქვენი უფროსობა ლაქიებივით დარბიან სოლოლაკში. თავიდან ბოლომდე პოლიტიკური იყო ჩემი დაჭერა არჩევნების წინ და ახლა გამიშვებთ აქციების წინ?,"- განაცხადა გიგი უგულავამ საქალაქო სასამართლოში.

თბილისის მერმა მოქმედ ხელისუფლებაზეც ისაუბრა. მისი თქმით ,,ქართულმა ოცნებამ" დანაპირებები არ შეასრულა და ხალხმა დაპირებული ოქროს მთების ნაცვლად ცისფერი მთები მიიღო.