-
2014-02-04 15:30
ევროკავშირში საქართველოს ყოფილი ელჩი, სალომე სამადაშვილი წერს, რომ ბრიუსელში პრესა გაოგნებულია საქართველოს პრემიერმინისტრის არაკომპეტენტურობით, ხოლო მიუნჰენში მისი გამოსვლიდან ზუსტად ათ წამში ჟურნალისტები მას უკვე არ უსმენდნენ.
„ბრიუსელის პრესა გაოგნებულია ჩვენი პრემიერის არაკომპეტენტურობით. განსაკუთრებით მძიმე შთაბეჭდილება დატოვა მისმა გამოსვლამ მიუნჰენში, სადაც ყველა ჩემი ნაცნობი ჟურნალისტის თანახმად, ზუსტად 10 წამის მერე მას არცერთი ჟურნალისტი აღარ უსმენდა.
გაოცებულები მეკითხებიან, რატომ არის ეს ადამიანი თქვენი ქვეყნის პრემიერიო და მე არ ვიცი, რა უნდა ვუპასუხო, შემომაშველეთ იდეები“, – წერს სალომე სამადაშვილი.
სამადაშვილის პოზიციას იზიარებს საპარლამენტო უმცირესობის წევრი გიორგი კანდელაკი, რომელიც ამბობს, რომ სალომე სამადაშვილის ინფორმაცია ბსოლუტურად ზუსტია:
„მიუნჰენში თავმოყრილი იყვნენ არა მხოლოდ ბრიუსელის, არამედ მსოფლიოს წამყვანი ჟურნალისტები და ექსპერტები. ევროკავშირში საქართველოს ყოფილი ელჩის ეს ინფორმაცია არის აბსოლუტურად ზუსტი“, – წერს კანდელაკი.