-
2014-02-04 13:04
ბიძინა ივანიშვილმა „მოქალაქის“ პრეზენტაციაზე სამოქალაქო საზოგადოების განვითარებაში დასაქმებული მოქალაქის როლზე გაამახვილა ყურადღება:
„ჩვენ ამის მაგალითი გვაქვს ბებერი ევროპიდან, რომ სწორედ ამ ტიპის საშუალო ფენა არის სამოქალაქო საზოგადოების დასაყრდენი. მე ძალიან ბევრს ვმუშაობდი ამ საკითხზე პოლიტიკაში ყოფნის დროსაც და ახლაც ბევრს ვმუშაობ.
სამუშაო ადგილების შექმნა ჩემი მთავარი პრიორიტეტი იყო და ახლაც დარჩება. სხვაგვარად დემოკრატიული ინსტიტუტების ჩამოყალიბება საჭირო შედეგს ვერ მოგვცემს“, – განაცხადა ყოფილმა პრემიერმინისტრმა.
ბიძინა ივანიშვილმა ყურადღება გაამახვილა მედიის როლზეც და აღნიშნა, რომ მედიამონიტორინგის ჩასატარებლად „მოქალაქე“ აქტიურ სამუშაოებს ჩაატარებს. მისი თქმით, მოიწვევენ პროფესიონალებს, რომლებიც ჩაატარებენ ტრენინგებს და დაეხმარებიან ჟურნალისტებს კვალიფიკაციის ამაღლებაში. მისივე თქმით, „მოქალაქე“ მხოლოდ დააფინანსებს ამ ღონისძიებებს და მას შეხება არ ექნება უშუალოდ მედიასაშუალებების რედაქციულ საქმიანობასთან.