საქართველოს მესამე პრეზიდენტი მიხეილ სააკაშვილი რუსი ოპოზიციონერის ბორის ნემცოვის მკვლელობას სოციალურ ქსელში გამოეხმაურა.
„ბორის ნემცოვს ბოლოს რამდენიმე დღის წინ კიევში შევხდი, სასტუმრო „ფერმონტში“.
ჩვენ ვისადილეთ და მან „მარშის“ შესახებ მომიყვა, რომლის გამართვასაც მომხრეებთან ერთად მოსკოვში გეგმავდა.
ბუნებრივია, მე ვკითხე მას, ხომ არ ეშინოდა საკუთარი უსაფრთხოების რუსეთში, განსაკუთრებით ახლა.
მან მიპასუხა, რომ პუტინი თავისი გაგებით ცხოვრობს და მას, როგორც ყოფილი თანამდებობის პირს, ალბათ, დიდი ხნით არ ჩასვამდნენ.
მე შევაწყვეტინე და ვუთხარი, რომ უფრო მეტად წითელი ღვინით მოწამვლის უნდა ეშინოდეს, ვიდრე დაკავების, მაგრამ როდესაც მის სახეს შევხედე, ხუმრობის უადგილობას მივხდი.
შემდეგ ჩვენ დიდხანს ვსაუბრობდით იმის შესახებ, როგორ დაამთავრებს პუტინი და ორივე შევთანხმდით, რომ მის მოქმედებებში მილოშევიჩთან უამრავი პარალელია, რომელიც პოპულარული ომმა გახადა და რომელმაც დაღუპა.
ახლა გამახსენდა, რომ მილოშევიჩის დროს ასევე კლავდნენ ოპოზიციონერებს.
ბორის ნემცოვი ძალიან მამაცი ადამიანი იყო და მასშტაბური. მასთან შესაძლებელი იყო კამათი და ისიც, რომ არ დათანხმებულიყავი, მაგრამ გულგრილი ვერ დარჩებოდი.
ვიცნობდი მას 1990-იანი წლებიდან, ხშირად ვურთიერთობდით, განსაკუთრებით ბოლო წლებში. გარდაიცვალა სხვა ხალხის მეგობარი და ამავდროულად რუსეთის ნამდვილი პატრიოტი, უბრალოდ საინტერესო ადამიანი იმ ქვეყანაში, რომელსაც მართავენ ბოროტი არსებები. ძალიან ვწუხვარ", – წერს მიხეილ სააკაშვილი.
