2015-02-19 12:03

გამოიკვეთა თუ არა ეროსი კიწმარიშვილის საქმეში საეჭვო პირთა არსებობა, დღეს გახდება  ცნობილი.

საუბარია იმ პირებსა და პირთა წრეზე, რომლებიც, სავარუდოდ, ეროსი კიწმარიშვილის გარდაცვალების დღეს შემთხვევის ადგილზე იმყოფებოდნენ.

ამ საკითხით დაინტერესება პროკურატურისგან კიწმარიშვილის ადვოკატებმა მოითხოვეს. გაგი მოსიაშვილის თქმით, იმ შემთხვევაში, თუ გამოძიებით დადგინდება კონკრეტული გარემოებები, საქმეს შესაძლოა კვალიფიკაცია შეეცვალოს და გამოძიება მკვლელობის მუხლით გაგრძელდეს.

ადვოკატები და ეროსი კიწმარიშვილის ძმა დღეს თბილისის პროკურატურაში მისვლას გეგმავენ, სადაც გამოძიების დეტალებს გაეცნობიან.