2015-01-23 17:20

შინაგან საქმეთა მინისტრმა  თანამდებობიდან გადადგომის განცხადებით პრემიერ-მინისტრს მიმართა.

გადადგომის მიზეზად ვაზაგაშვილების საქმე სახელდება.

„მინდა, მივმართო საქართველოს პრემიერ-მინისტრს გადადგომის მოთხოვნით.

ჩემი ეს გადაწყვეტილება განაპირობა ბოლო დროს გაჟღერებულმა ბრალდებებმა, თითქოს, მე ხელს ვაფარებ ზურა ვაზაგაშვილის მკვლელობაში მონაწილე პირებს.

მიუხედავად იმისა, რომ ეს ბრალდება არ შეესაბამება სიმართლეს, მე ვგრძნობ მორალურ პასუხისმგებლობას და ვტოვებ დაკავებულ თანამდებობას," - ნათქვამია ჭიკაიძის განცხადებაში.

ის იმასაც ამბობს, რომ "იმ შემთხვევაში, თუ მოხდებოდა ცხელ კვალზე იური ვაზაგაშვილის მკვლელობის გამოძიება, მე არ მივიღებდი ასეთ გადაწყვეტილებას".

„ამ ტრაგედიის დღეს მე არ ვიმყოფებოდი საქართველოში. ვინაიდან გამოძიება გრძელდება, ვთვლი, რომ უნდა ჩამოვშორდე პროცესს, რათა საზოგადოებას არ დარჩეს კითხვები ხელისუფლების მიმართ.

„გამოვთქვამ იმედს, რომ უახლოეს მომავალში გამოძიება დასრულდება და ყველაფერს თავისი სახელი დაერქმევა," - წერს ჭიკაიძე.