მომღერალმა მარკუს მეტრეველმა ჟურნალ „გზასთან“ ინტერვიუში ის დრო გაიხსენა, როცა სცენაზე გეორგოს ტიტანის ფსევდონიმით გამოდიოდა.
მაშინ მეტრეველი რამდენიმე პოლიტიკოსთან მეგობრობდა, რის გამოც საზიზღარი ჭორები გავრცელდა.
„საბერძნეთში შემარქვეს „ტიტანი“, რაც ძალიან მომეწონა და ფსევდონიმად ავიღე.
იმ პერიოდში რამდენიმე პოლიტიკოსთან ვმეგობრობდი და გაჩნდა ეჭვი, რომ მათთან სხვა ურთიერთობა მქონდა.
ესენი იყვნენ ედუარდ შევარდნაძე და ზურაბ ჟვანია. ძმაკაცები არ ვყოფილვართ, მაგრამ ბაბუას წყალობით, რომელიც პოლიტიკაში იყო, ჩვენ ოჯახებით ვიცნობდით ერთმანეთს.
იმ პერიოდში პრესა იყო ძალიან არეული, ვულგარული. რამდენჯერმე გვნახეს ერთად და ალაპარაკდნენ.
არადა, ჩვეულებრივი, საქმიანი შეხვედრა გვქონდა. სხვათა შორის, ბათუმში ერთ-ერთი ჩვენების შემდეგ გავიცანი ასლან და გიორგი აბაშიძეები, ზურაბ ჟვანია და აქედან დაიწყო ჩვენი ურთიერთობა.
ოჯახის წევრები ძალიან ცუდად შეხვდნენ პრესაში დაბეჭდილ ამბავს. მეც არ მესიამოვნა ასეთი სათაური“, - აღნიშნა მარკუს მეტრეველმა.
