2015-01-14 14:04

საპარლამენტო უმცირესობის წევრი ზურაბ ჯაფარიძე საკანონმდებლო ინიციატივას საქართველოს მოქალაქეების უცხო ქვეყნის ტერიტორიაზე მოქმედი შეიარაღებული დაჯგუფებებში მონაწილეობის შესახებ საკანონმდებლო ინიციატივას ეხმაურება და აცხადებს, რომ თუ აღნიშნული ცვლილება არ შეეხება უკრაინაში მებრძოლ ქართველებს, „ერთიანი ნაციონალური მოძრაობა” მას აუცილებლად დაუჭერს მხარს.

ზურაბ ჯაფარიძე ამბობს, რომ თუკი აღნიშნულ საკანონმდებლო ცვლილებაში მოხვდებიან იმ კატეგორიის მებრძოლები, რომლებიც დღეს უკრაინის ტერიტორიაზე რუსეთის საოკუპაციო პოლიტიკას ებრძვიან, ეს იქნება საქართველოს ხელისუფლების მიერ გადადგმული ანტისახელმწიფოებრივი ნაბიჯი.

„ის ფორმულირება, რომელიც აქამდე იქნა გაჟღერებული, რომ აქ მოხვდნენ ისეთი ადამიანები, საქართველოს  მოქალაქეები, რომლებიც უკრაინაში დღეს იბრძვიან რუსეთს წინააღმდეგ, ამ შემთხვევაში ეს იქნება სერიოზული პრობლემა და ჩვენი მხრიდან ამას მოყვება სერიოზული კრიტიკა,” - განაცხადა ზურაბ ჯაფარიძემ.