2015-01-11 11:47

რუსულ მედიაში გავრცელებული ინფორმაციის თანახმად, საქართველოს ყოფილი პრეზიდენტი, მიხეილ სააკაშვილი შესაძლოა უკრაინის ანტიკორუფციული ბიუროს ხელმძღვანელად დაინიშნოს.

იგივე ინფორმაციით, უკრაინის ხელისუფლება აქტიურად არის ჩართული საკვანძო თანამდებობებზე ახალი კადრების დანიშვნით.

პეტრო პოროშენკოს ბლოკში განაცხადეს, რომ ეროვნული ანტიკორუბციული ბიუროს ხელმძღვანელი აუცილებლად უცხოელი უნდა იყოს.

საკონკურსო კომისიამ აღნიშნულ თანამდებობაზე წარდგენილი 4 კანდიდატიდან ერთი უნდა აირჩიოს.

ანტიკორუბციული ბიუროს ხელმძღვანელის პოსტზე ასევე წარდგენილია  ბოგდან ვიტვიცკი - უკრაინული წარმოშობის ამერიკელი, რომელიც აშშ-ში პროკურორის თანაშემწედ მუშაობდა.

გარდა ამისა საუბარია „ნაციონალური მოძრაობის“ წევრის,  დავით საყვარელიძისა და ადვოკატის, გიზო უგულავას კანდიდატურებზე, რომელიც მიხეილ სააკაშვილის თანამოაზრეა და 2010-2012 წლებში მთავარი პროკურორის მოადგილედ მუშაობდა.

დათანხმდება თუ არა შეთავაზებას მიხეილ სააკაშვილი უცნობია.  მან  უკრაინის ხელისუფლებაში მუშაობაზე  ერთხელ  უარი  უკვე განაცხადა.