2014-12-18 00:20

სასჯელაღსრულების სამინისტროს ჯანდაცვის დეპარტამენტს თამთა დემურიშვილი უხელმძღვანელებს. ამის შესახებ ინფორმაციას თავად დემურიშვილი  ავრცელებს და აცხადებს, რომ მისი დანიშვნის შესახებ გადაწყვეტილება მინისტრმა გიორგი მღებრიშვილმა მიიღო და ის მუშაობას უკვე ხვალიდან შეუდგება.  

აქამდე ეს თანამდებობა ნათია ლანდიას ეკავა, რომელიც სამინისტროში მინისტრის მრჩევლის სტატუსით დარჩება. დემურიშვილის განცხადებით, მისი მთავარი ამოცანა პენიტენციურ სისტემაში სიკვდილიანობის შემცირება იქნება. 

თამთა დემურიშვილი საკრებულოს წევრი იყო. ბოლოს იგი იაშვილის კლინიკის სისხლის ბანკის დირექტორად მუშაობდა. ამასთან, დემურიშვილი ფონდის "საქართველოს საქმიანი ქალები ქველმოქმედებისთვის" ხელმძღვანელია.