2014-12-15 15:59

აღნიშნულის თაობაზე თავდაცვის ყოფილი მინისტრი სოციალურ ქსელში წერს.

„ჩამოვფრინდი კიევიდან, 45 წუთი ვზივარ აეროპორტში, საკუთარ ქვეყანაში არ მიშვებენ.

„სმენის“ უფროსმა უნდა ღილაკს დააჭიროს... ვივა, ახალი „გრუზინული“ დემოკრატია...“ - წერს  დიმიტრი შაშკინი.

თავდაცვის ყოფილი მინისტრის  ამ სტატუსს მაშინვე უამრავი გამოხმაურება მოჰყვა სოციალურ ქსელში და სანამ აეროპორტში „დაპატიმრებული“ დიმიტრი შაშკინი მესაზღვრეების გადაწყვეტილებას ელოდა, „ფეისბუქ-მეგობრები“ ამხნევებდნენ და მოქცევის „წესებს“ ასწავლიდნენ, გაუღიმეთ, ასე აჯობებსო.

„ხომ იცით, ბატონო დიმა, პირველი ტაიმში ზემოთ ატყობინებენ ხოლმე და მეორე ტაიმში შემოგიშვებენ, “ - წერდა ერთი მეგობარი.

„დიმა, რობოტი რომ დგას პასპორტს და თითს რომ დებ, მგონი მაგას უფრო მოელაპარაკები...

დიდი ხანი იყო გათიშული - ბოლო 3-4 ჩამოსვლაზე ვისარგებლე. ეტყობა არ მიგიქცევია ყურადღება. Next time სცადე და თუ გაგატარა, მერე ნახე შენ მაგათი გაწელილი სახეები...“, - დაარიგა მეორემ.

„პატრულის თანამშრომლების მიტყდება, რომ ამ უმსგავსობას უყურებენ და იძულებით მონაწილეობენ...

არაფერიც არ უნდათ, დაავალეს, რომ აწამონ ძველი ხელისუფლების წევრები“, - აუხსნა მათ ვითარების არსი შაშკინმა.

ხელისუფლების ყოფილ  წევრს ზოგმა ისიც სთხოვა, თუ კარგ საქმეზე ხართ წასულები, ბარემ ჩვენც წაგვიყვანეთ, თუ არადა, გადაარჩინეთ საქართველო, სანამ სულ არ დაღუპულაო.