პროექტში „ბრავო“ ჟურნალისტი ლალი მოროშკინა მომღერალ ოთო ნემსაძის ლობისტია.
ჟურნალ „სარკესთან“ ინტერვიუში მოროშკინა აცხადებს, რომ საქართველოს იმ კუთხეში, საიდანაც ოთოა, მამაკაცები განსაკუთრებული ვაჟკაცობითა და მამაკაცურობით გამოირჩევიან.
„ალბათ ოთოს ცოლს ბევრ რამეში მოუწევს ქმართან დიპლომატიის გამოჩენა, რადგან ის არის მამრი, რომელსაც შენ უნდა გაუგორო კოჭი.
პოპულარობა ყველა ვარიანტში იქონიებს გავლენას ცოლ-ქმრის ურთიერთობაზე, რადგან ოჯახის პირველი მტერი მეორე ნახევრის პოპულარობაა და ამას დამტკიცება არ უნდა“, - აცხადებს ლალი მოროშკინა.
შეგახსენებთ, რომ ერთ-ერთ გამოცემასთან ინტერვიუში, მომღერლის მეუღლე აცხადებდა: „რაც შეეხება ჩვენს ურთიერთობას, თავიდან ვარსკვლავებს მიკრეფდა ციდან, ახლა ნაგვის გატანაზე გვაქვს ჩხუბი.
სახლში თავხედია ყველაფერს მიმოფანტავს ხოლმე. სადაც იხდის, იქ ყრის. მერე მე უნდა ავალაგო“
