2014-11-18 11:10

საქართველოში რაგბის განვითარებაში შეტანილი წვლილისათვის რაგბის საერთაშორისო საბჭომ (IRB) საქართველოს ექს-პრემიერი ბიძინა ივანიშვილი დააჯილდოვა.

IRB-მა "განვითარების ჯილდოს" ფარგლებში ბიძინა ივანიშვილის შესახებ ვიდეორგოლი მოამზადა, სადაც აღნიშნულია, რომ ექს-პრემიერის საქველმოქმედო ფონდმა "ქართუმ" საქართველოში 23 სარაგბო ინფრასტრუქტურული პროექტი განახორციელა, მათ შორის ააშენა საწვრთნელი ცენტრები და სტადიონები.

 IRB-ის  ინფორმაციით, ივანიშვილმა რაგბის განვითარებისთვის დაახლოებით 100 მილიონი ლარი დახარჯა.

ბიძინა ივანიშვილს ჯილდოს მიღებას ულოცავს საქართველოს რაგბის ფედერაცია:

,,ვულოცავთ ბატონ ბიძინას ამ ჯილდოს მიღებას და კიდევ ერთხელ დიდ მადლობას ვუხდით ქართული რაგბის განვითარებისათვის ხელიშეწყობისთვის", - ნათქვამია ფედერაციის განცხადებაში.