2014-11-18 09:53

მოშიმშილეებმა გმირთა მოედანზე მთელი ღამე გაატარეს.

ისინი ამ ფორმით ზუგდიდის სასამართლოს გადაწყვეტილებას აპროტესტებენ ემზარ კვიციანისთვის 12-წლიანი პატიმრობის შეფარდებასთან დაკავშირებით.

კვიციანის ახლობლები პრეზიდენტის ყოფილი რწმუნებულის გათავისუფლებას ითხოვენ. დაცვის მხარე უახლოეს დღეებში სააპელაციო სასამართლოში ზუგდიდის სასამართლოს დადგენილების გასაჩივრებას გეგმავს. ემზარ კვიციანი დამნაშავედ სცნეს უკანონო გასამხედროებული ჯგუფის შექმნასა და 2006 წელს კოდორის ხეობაში ამბოხის მოწყობაში. მსჯავრდებული ბრალდებებს უარყოფს.

ემზარ კვიციანი 2014 წლის თებერვალში მოსკოვიდან თბილისში დაბრუნებისას დააკავეს. პროკურატურამ განაცხადა, რომ კვიციანს მოუხდა საქართველოში დაბრუნება, რადგან რუსეთმა მისი „დეპორტაცია“ განახორციელა.

rustavi2