თუ კალაძეს აწუხებს ის, რაც მოხდა, თქვას. თუ ის ხვდება, რომ ქვეყანა გახლეჩისა და დაპირისპირებისკენ მიჰყავს ღარიბაშვილს და ივანიშვილს, გამოვიდეს და თქვას, - ასე ეხმაურება “ევროპული საქართველოს” ერთ-ერთი ლიდერი, გიგი უგულავა კახა კალაძეს განცხადებას იმის შესახებ, რომ “პოლიტიკური დისკუსია, თუნდაც კომპრომისები, აუცილებელია”.

მო­ქა­ლა­ქე­ე­ბის ლი­დერ­ის,დეპუტატ ალე­კო ელი­საშ­ვილ­ის განცხადებით - სევ­დი­ა­ნი ამ­ბა­ვია, რომ საბ­ჭო­თა ოკუ­პა­ცი­ის 100 წლის თა­ვის ფონ­ზე, ქარ­თვე­ლი პო­ლი­ტი­კო­სე­ბი ვერ ახერ­ხე­ბენ ერ­თმა­ნეთ­თან და­ლა­პარ­კე­ბას, ყვე­ლა ქარ­თველ პო­ლი­ტი­კოსს უნდა შეგ­ვრცხვეს ამ და­პი­რის­პი­რე­ბის. მისი თქმით, დღეს სიმ­ბო­ლუ­რი და სწო­რი იქ­ნე­ბო­და, თუ მხა­რე­ე­ბი მო­ლა­პა­რა­კე­ბებს და­ი­წყე­ბენ.

ადამიანის უფლებების სწავლებისა და მონიტორინგის ცენტრი მოუწოდებს პრემიერმინისტრს, მთავრობასა და პარლამენტის წევრებს ვახო სანაიაზე თავდასხმასთან დაკავშირებით გააკეთონ საჯარო განცხადებები, რომელიც ამგვარ ძალადობრივ გამოცდილებებს დაგმობს და შექმნილი მტრული საინფორმაციო გარემოს ცვლილებისკენ იქნება მიმართული.

ქვეყნის მასშტაბით მიმოქცევაში დარჩენილია დიდი რაოდენობის ძველი ნიმუშის სანომრე ნიშანი, სწორედ ამიტომ მომსახურების სააგენტო მოუწოდებს შესაბამისი სატრანსპორტო საშუალების მესაკუთრეებს, დროულად მიმართონ სააგენტოს სტრუქტურულ ერთეულებს სანომრე ნიშნის შესაცვლელად, –განაცხადა შსს-ს მომსახურების სააგენტომ.

მესმის, ღიზიანდება მოსახლეობა, როცა ვამბობ, მაგრამ სიმართლე უნდა ვთქვათ, რომ პირბადე კარგა ხანს დაგვჭირდება, კიდევ წელი-წელიწადნახევარი, – ამის შესახებ ამირან გამყრელიძემ „მაესტროსთან“ ინტერვიუში ისაუბრა. მან აგრეთვე აღნიშნა, რომ პირდაპირი მოქმედების მედიკამენტის გამოშვებას ზაფხულისკენ ელოდება.

განბაჟების გადავადების გადაწყვეტილება შემოსავლების სამსახურის ინფორმაციით, მთავრობის გადაწყვეტილებით, კიდევ ერთხელ იქნა მიღებული.

როგორც ჯანდაცვის სამინისტრომ გააკეთა განცხადება, კიდევ ერთი კონსულტაციის შემდეგ, რომელიც კვირის ბოლომდე უნდა გაიმართოს, ცნობილი გახდება, როდის მიიღებს საქართველო ვაქცინას.

იმ პაუზის  შემდეგ, რაც კოვიდ 19-მა გამოიწვია საქართველოს რკინიგზა სამგზავრო გადაყვანებს განაახლებს.

ევროპული საქართველოს” ერთ-ერთი ლიდერის, გიგი უგულავას  განცხადებით, პარლამენტის მუშაობის პარალელურად, ოპოზიცია „სირცხვილის კორიდორების” მოწყობას და პიკეტირებას გეგმავს.

პარლამენტის თავმჯდომარემ, არჩილ თალაკვაძემ განცხადება გააკეთა, ჟურნალისტ ვახო სანაიას მიმართ მომხდარ ძალადობაზე. მისი თქმით, დროული და ეფექტური რეაგირება მკაფიო გზავნილი უნდა იყოს მათთვის, ვინც გამოსავალს ძალადობაში ხედავს.