სპეცდანიშნულების რაზმმა პარლამენტის შესასვლელები აქციის მონაწილეებისგან გაათავისუფლეს, თუმცა მათი მიზანი მხოლოდ ეს არ ყოფილა.

სამართალდამცავები რუსთაველზე განთავსებულ კარვებს იღებენ და ტერიტორიის მშვიდობიანი აქციისგან სრულიად გაწმენდას გეგმავენ.

აქციის ორგანიზატორები მოქალაქეებს მოუწოდებენ, რომ სპეცრაზმს წინააღმდეგობა არ გაუწიონ.

შეგახსენებთ, რომ სამართალდამცავებმა უკვე გამოიყენეს ცრემლსადენი გაზი და წყლის ჭავლები. სწორედ ამ საშუალებებით ებრძვიან მშვიდობიანი აქციის მონაწილეებს.

ამ დროისთვის აქციის დარბევისას რამდენიმე ადამიანია დაშავებული. მათ შორის ერთ-ერთი აქტივისტებმა თავად მიიყვანეს სასწრაფო დახმარების მანქანებთან, სადაც მათ პირველადი დახმარება ჩაუტარდათ. 

სპეცდანიშნულების რაზმმა აქციის მონაწილეებზე იერიში მიიტანა.

აქციის დასარბევად ამ ეტაპზე გამოყენებულია წყლის ჭავლები და ცრემლსადენი გაზი. მიუხედავად ამისა, აქტივისტები დაშლას არ აპირებენ. 

ამ დროისთვის მოქალაქეებსა და სამართალდამცავებს შორის სერიოზული დაპირისპირება მიმდინარეობს. 

შსს-ს წარმომადგენლებს ასევე აქციის მონაწილეები გაყავთ და ახორციელებენ მათ მასობრივ დაკავებას.

ასეულობით სპეცდანიშნულების რაზმმა დატოვა სახელმწიფო უსაფრთხოების შენობა და საკანონმდებლო შენობისკენ მიემართებიან. 

ამ დროისთვის უცნობია რა ბრძანება აქვთ მათ.

აქციის მონაწილეები სპეცდანიშნულების რაზმს დახვდა შეძახილებით "მშვიდობა" და ისინი სამართალდამცავების შეჩერებას ცდილობენ.

აქტივისტები ითხოვენ არ გამოიყენონ ძალა მათ წინააღმდეგ და სპეცრაზმის წევრებს ხალხის გვერდით დგომისკენ მოუწოდებენ.

დავით ქაცარავამ სამართალდამცავებს აქციის მონაწილეების გვერდით დგომისკენ მოუწოდა და იტალიის მაგალითი გაიხსენა. 

"ველოდებით დარბევას, მაგრამ ფეხს არ მოვიცვლით. თუ დაგვარბევენ გადავჯგუფდებით და ისეც მოვალთ. თუ დაგვიჭერენ სხვები მოვლენ. არ ვაპირებებთ დანებებას. " - განაცხადა გიგი უგულავამ

"აქ პოლიციაც იყო და სცადეს კარვების აღება, მაგრამ ჩვენი აქ დგომა ლეგიტიმურია. ამ მთავრობაში არიან ადამიანები, რომლებიც ხალხის წინაშე ვალდებულები არიან, თუმცა ბიძინას დაკრულზე ცეკვავენ და არ ასრულებენ მოვალეობას. ჩვენ არ შევუშვებთ მათ შენობაში, მაგრამ არც ძალისმიერ მეტოდებს მივმართავთ." - განაცხადა ირმა ნადირაშვილმა

საქართველოს პოლიციის წარმომადგენლების განცხადებით აქციის მონაწილეებს 30 წუთი ექნებათ დაშლისთვის, რის შემდეგაც სპეცდანიშნულების რაზმი დაიწყებს რეაგირებას. 

კახა კალაძე პარლამენტის შესასვლელების პიკეტირებას კანონდარღვევად მიიჩნევს და განაცხადა, რომ სახელმწიფოს მხრიდან რეაგირება იქნება.

სპეცრაზმი სრული ეკიპირებით მიემართება რუსთაველზე გამართულ აქციაზე. 

პარლამენტის შესასვლელები კვლავ პიკეტირებულია და აქციის მონაწილეები დეპუტატებს შენობაში შესვლის უფლებას არ აძლევენ.