2014-10-15 10:41

თბილისში ბოლო წლების განმავლობაში პირველად, ავტომანქანა გაიტაცეს - ინფორმაციას "თავისუფალი ზონა" ავრცელებს. გამოცემის ინფორმაციით, "ოპელის" მარკის ავტომანქანა ევდოშვილის ქუჩიდან გაიტაცეს. 

შემთხვევა 14 ოქტომბერს, დაახლოებით 20 საათზე მოხდა. შემთხვევის ადგილზე სამართალდამცველებიც იმყოფებოდნენ და გატაცების ადგილთან ახლომდებარე მარკეტის თანამშრომლებს ესაუბრნენ. სავარაუდოდ, გატაცების მონაწილეთა ვინაობას სათვალთავლო კამერების მეშვეობით დაადგენენ.

"როგორც "აფხაზეთის ხმას" შსს-ს პრესსამსახურში განუცხადეს, ამ დროისთვის ავტომანქანა უკვე ნაპოვნია, გამოძიება მიმდინარეობს 177-ე მუხლის მიხედვით, ხოლო დანაშაულში ეჭვმიტანილის დასაკავებლად მიმდინარეობს ოპერატიულ-სამძებრო სამუშაოები.