საპარლამენტო უმცირესობის წევრი დავით საყვარელიძე „ფეისბუქში“ წერს, რომ არაა გამორიცხული, სუს-ს ენმ-ში ან „თავისუფალ ზონაში“ აგენტები ჰყავდეს ჩაბერგილი, რომლებიც დიდი სიამოვნებით მიიღებენ მონაწილეობას ხელისუფლების მიერ დაგეგმილ „კასრების“ ან სხვაგვარ სპექტაკლში.
„ყ უ რ ა დ ღ ე ბ ა ! ეს უკვე ნიშანდობლივია! ღარიბაშვილ-წულუკიან-ჭიკაიძიანად ისე მამაოჩვენოსავით გაზუბრულად იმეორებენ "ნაციონალებმა მოატაცაბინეს გამოსასყიდის მისაღებად ბავშვი"-ო, ეს მოტაცება ეჭვგარეშეა, რომ სუსის პროვოცირებულია!
4 კაციანი ჯგუფინდან არაა გამორიცხული ერთერთი ან ორი ფიგურანტი სუსის აგენტი გამოდგეს. ალბათ "ნდობით აღჭურვილ პირებს" მოაძებნინეს პიროვნებები, რომლებიც წარსულში მსახურობდნენ ორ ყველაზე "სახელგატეხილ" და ქოცების მეცადინეობით დაგეგმილად მოძულებულ შსს-ს დეპარტამენტებში.
სავარაუდოდ მოხდა დანაშულის ჩამდენთა წინასწარი შერჩევა და "დამუშავება (შესაძლოა გამოიყენეს მათი ფინანსური მდგომარეობა). ალბათ შეუქმნეს შესაბამისი პირობები (იარაღი, ტრანსპორტი, კომუნიკაციის საშუალება) და სპეცსამსახურისვე შექმნილი და კონტროლირებადი სქემის საშუალებით ჩაადენინეს გატაცება.(გატაცების ობიექტიც მათივე შერჩეულია სავარაუდოდ).
ალბათ მთელი პროცესი კონტროლდებოდა. დაკავების შემდეგ, მათი ჩანერგილი აგენტი ჩვენებაში ალბათ განაცხადებს, რომ ეს მას ნაციონალებმა დაავალეს, რის სანაცვლოდაც, ბედუკაძის მსგავსად მიიღებს თავისუფლებას. დანაშაულის სხვა არააგენტ ფიგურანტებს ბოლომდე "დაჭედავენ" ან მათაც რამეს მსგავსს დააწერინებენ. უღირთ ამ ეტაპზე.
საიდუმლო და დასამალი არ არის, რომ სპეცსამსახურებს დავალებული აქვს ჩვენს პარტიაზე და „თავისუფალ ზონაზე“ აქტიური მუშაობა. თუ ჭიკაიძის საბურავების და დესტაბილიზაციის არაშემთხვევით დაანონსებულ ბოდვას და შემდეგ ღარიბაშვილის მიერ ამის ატაცებას და განვრცობას გავიხსენებთ, (წითელაშვილების, დავითაიების და სადღობელაშვილების და მათი სულიერი მამის რეზო ამაშუკელის ბრწყინვალე შესრულებით) სცენარი იქეთკენ მიდის, რომ შესაძლოა „თავისუფალ ზონაში“ ან ჩვენთან უკვე ყავდეთ ჩანერგილი არაერთი აგენტი, რომელიც სიხარულით მიიღებს მონაწილეობას კასრებისმაგვარ სპექტაკლში.
მაგალითად, დადგამენ სცენას, სადაც, პირობითად, „თავისუფალი ზონის“ ან ჩვენი პარტიის რომელიმე წევრი (ათეულობით ათასი კაცია გაწევრიანებული პარტიაში და რთულია კონტროლი) ვიხილოთ აღიარებით ჩვენებით ავტომატების ყუმბარების ან თუნდაც ჭიკაიძის საყვარელი საბურავების სამალავით.
ეს კარგად წაიკითხეთ და ამოუბეჭდეთ პირდაპირ სუსელებო, თქვენს დროებით ხელმძღვანელებს და ფრთხილად იყავით.
ისეთი უნიჭოები მოვიდნენ, რომ გადაამლაშეს ეს სპექტაკლი უკვე. ყველა თქენი ნაბიჯი ვიცით და თვალს გადევნებთ!“- წერს დავით საყვარელიძე.