2014-10-14 22:52

საქართველოს იუსტიციის მინისტრმა თეა წულუკიანმა „ნაციონალური მოძრაობა“ ქვეყანაში აპოკალიფტური სურათის შექმნის მცდელობაში დაადანაშაულა და განაცხადა, რომ ბოლო თვეების განმავლობაში ყველა ტელევიზია ენმ-ს პიარკამპანიით იყო დაკავებული.

„ყველა ტელევიზია, რაც კი არსებობს საქართველოში ყველა რეპორტაჟი ბოლო თვეებში ეძღვნებოდა ნაციონალური მოძრაობის პიარკამპანიას, რომელიც მიზანმიმართულად ამტკიცებდა ერთი და იგივე სიცრუეს,
„ნაციონალური მოძრაობა“ ბოლო თვეების განმავლობაში და ნაწილობრივ დღესაც ახორციელებს, როდესაც ხატავს აპოკალიპტურ სცენარებს. ისინი საუბრობენ ერთი და იმავე მესიჯით: ამბობენ, რომ კრიმინალმა იმატა, რომ მთავრობა უუნაროა და ამით აშინებენ საზოგადოებას, რომ დაბრუნდება კრიმინალის თარეში ქვეყანაში.

ეს არის მათი ერთ-ერთი სცენარი, რომელსაც არანაირი დამტკიცება არ სჭირდება. ეს არის სახეზე, ეს გადის ეთერით, ტელევიზიით, რადიოთი თუ გაზეთებით. ეს არის მიზანმიმართული კამპანია მთავრობის წინააღმდეგ“, - ამბობს „არჩევანში“ წულუკიანი.