როგორც ტელეწამყვანი მაია ასათიანი ამბობს, მეუღესთან დაშორების შემდეგ არ გამოჩენილა ადამიანი, ვისთან ერთადაც ცხოვრებას გადაწყვეტდა.
„მე ძალიან კარგი ურთიერთობა მაქვს ჩემი შვილის მამასთან, მაგრამ ეს იყო რთული წლები. მაშინ არსებობისთვის ვიბრძოდი.
პატარა შვილი მყავდა, თან ვმუშაობდი. არ მინდა ჩემი შვილი ასეთ სიძნელეებს შეეჯახოს მაშინ, როცა უნდა სწავლობდეს და პიროვნებად ყალიბდებოდეს.
ახლა, როცა მახსენდება ის დრო ჩემი თავი მებრალება, რადგან იმ პრობლემებთან საბრძოლველად ძალიან პატარა ვიყავი. ცხოვრებას ვგულისხმობ და არა ურთიერთობებს. მას მერე კი ალბათ, არ გამოჩნდა ადამიანი, რომლის გვერდითაც ცხოვრებას გადავწყვეტდი.
არ ვარ ზერელე რომანების ქალი. ალბათ ჯერ არ გამოჩენილა ადამიანი, ვინც ამ ავანტიურაზე დამითანხმებს. თუ გამოჩნდა, მოვიფიქრებ, ასჯერ გავზომავ და ერთხელ გავჭრი, ან არ გავზომავ და არ გავჭრი“, - აღნიშნა მაია ასათიანმა.
„სარკე“