2014-09-30 02:31

ნიკა რურუა გერმანიაში მესაზღვრეების მიერ ქართველი ტურისტების დისკომფორტული პროცედურის მოწყობაზე წერს, რომლის თვითმხილველიც თავად გახდა. ნიკა რურუა ასევე აღნიშნავს, რომ გერმანელთა ასეთი ქმედების მიზეზიც გაარკვია.

"დღეს ევროკავშირის საზღვარზე საქართველოდან ჩასულ ჩვენს მოქალაქეებს ძალიან თვალშისაცემი დისკომფორტი მოუწყვყვეს გერმანელმა მესაზღვრეებმა, რომელსაც პირადად შევესწარი. კერძოდ, აბსოლუტურად ყველა მგზავრს მოთხოვეს სახარჯი ფულის ჩვენება, მოთხოვეს უკანა გზის ბილეთი და გერმანიაში შესვლის კონკრეტული მიზეზი.

ეს ყველაფერი ხდებოდა ხაზგასმულად დროის გაწელვით და აშკარა დავალებით. როცა ერთ ნაცნობს უცხოელს ვთხოვე ამის მიზეზი გაეგო, პასუხად ასეთი რამ მოვისმინე: როგორც თქვენები ექცევიან ჩვენებს საქართველოში, აწი ისე მოვექცევით თქვენებს ჩვენც აქო.

ესეც პირველი ნაყოფი ჩვენი ახალი და "ბრძნული" საემიგრაციო პოლიტიკისა. ბრავო საქართველოს მთავრობას, რომელიც ევროპასთან ასოცირების ხელშეკრულებაზე ხელმოწერის ფაქტით სულ ახლახანს ამაყობდა", - წერს ნიკა რურუა "ფეისბუქში".