2014-09-24 14:12

ყვარელში 55 წლის მამაკაცი გარდაიცვალა. მიზეზი საჭირო მედიკამენტის არ ქონა გახდა. მამაკაცი აფთიაქში მივიდა, სადაც პრეპარატი მოითხოვა, თუმცა  უარი მიიღო. წამალი, რომელიც 30 თეთრი ღირს რეცეპტის გარეშე არ მიყიდეს.

ოჯახის ახლობელბის თქმით, მამაკაცი ექიმთან წავიდა, თუმცა ის არ დახვდა. მოგვიანებით, სახლიდან ისევ აფთიქში მიბრუნდა, თუმცა საჭირო მედიკამენტი მაინც ვერ შეიძინა.

მეზობლების თქმით, სახლში მისული გულის შეტევით გარდაიცვალა. სოფლის მოსახლეობა აცხადებს, რომ რეცეპტის მიღებაც კი პრობლემაა ყვარელში, რადგან საავადმყოფო არ ფუქნციონირებს.

მამაკაცის აფთიაქში მისვლის ფაქტი ფარმაცევტებმაც გაიხსენეს, თუმცა მათ კამერებთან კომენტარი არ გაუკეთებიათ და არც ის განუმარტავთ შესთავაზეს თუ არა მას შემცვლელი მედიკამენტი.

აფთიაქებში კი არსებობს, სპეციალური ჩანთა, საიდანაც ურეცეპტოდ მედიკამენტების გამოყენება გადაუდებელი საჭიროების დროს დაშვებულია.