ბარბარე რაფალიანცის ოჯახის წევრები ადვოკატ ლალი ბიწოშვილთან შეხვედრის დეტალებს იხსენებენ. როგორც გარდაცვლილი ათი თვის ბავშვის მამა ამბობს, ბიწოშვილი მათთან ,,ქართული ოცნების" სახელით მივიდა და აჯერებდა, რომ მათი შვილი ,,ნაციონალური მოძრაობის" პოლიტიკური მიზნების გამო მოკლეს.
"ეს იყო „ოცნების“ სახელით შემოსული და გვაჯერებდა, რომ „ოცნებას“ არ გაუკეთებია. ოჯახთან ახლობლობდა, ასე ტკბილი სიტყვით გვაჩერებდნენ, ალბათ, ეგრე გამოდის, აი გამოიძიებენ და ... ესე იგი ამათი გაკეთებულია, მე ამ ვერსიას მივაწერე, აბა რაღა ვთქვა, დავიღალე უკვე, ორი წელია არ იძიებენ",-ამბობს ბავშვის მამა.
როგორც ბარბარეს ბებია ჰყვება, ბიწოშვილმა მათ ისიც უთხრა, რომ ახლა „ნაციონალებიც“ და „ოცნების“ წარმომადგენელბიც მათი მტრები იყვნენ.
„ქალბატონ ლალის შევხვდით მერიის არჩევნები რომ იყო და მაშინ იყო ეგ ლაპარაკი, რომ იქნებ „ნაციონალებმა“ არა და „ოცნებამ“ გააკეთაო, მაგრამ დანამდვილებით და დაზუსტებით რომ ეთქვა, რომ ეთქვა რომ ამან გააკეთა, იმან დაუკვეთა, არა, ეს არ ყოფილა. ორივენიო „ნაციონალებიც“ და „ოცნებაც“ ჩვენი მტერიაო, ასე მითხრა, როგორ დავმალო",-აცხადებს ბავშვის ბებია.
news.ge
