2014-09-16 14:59

შს სამინისტრო დანაშაულის ტატისტიკას აქვეყნებს.  ოფიციალური ინფორმაციის მიხედვით, 2013 წელთან შედარებით დანაშაულის პროცენტული კლება  მოხდა.

2013 წლის აგვისტოს თვეში 13 განზრახ მკველობის ფაქტი დაფიქსირდა,  გახსნილია-10. მკვლელობა დამამძიმებელ გარემოში-დაფიქსირდა 2 შემთხვევა და გახსნილია ორივე.

ხოლო 2014 წლის აგვისტოს  თქვეში 10 განზრახ მკვლელობა მოხდა, აქედან გახსნილია-9, ხოლო განზრახ მკვლელობა დამამძიმებელ გარემოში- დაფიქსირდა ერთი ფაქტი, რომელიც გახსნილია.

2013 წლის აგვისტოს თვის მონაცემებით, ქურდობის 1018 შემთხვევა მოხდა, ხოლო წელს აგვისტოში 820.

შს სამინისტროს სტატისტიკის მიხედვით: ,,2014 წლის აგვისტოს თვეში შსს-ს ტერიტორიული დანაყოფების საგამოძიებო ქვემდებარეობის მიხედვით სულ რეგისტრირებულია 2405 დანაშაული, რომელთაგან გაიხსნა 1277. დანაშაულის გახსნის პროცენტია 53,1%. ხოლო წინა წლის ანალოგიურ საანგარიშო პერიოდთან შედარებით დანაშაულის პროცენტული კლებაა -19,27 %.“

ამავე ოფიციალური ინფორმაციით, 2014 წლის იანვარ-აგვისტოს თვეებში შსს-ს ტერიტორიული დანაყოფების საგამოძიებო ქვემდებარეობის მიხედვით რეგისტრირებულია 17458 დანაშაული, რომელთაგან გაიხსნა 10583 დანაშაული. დანაშაულის გახსნის პროცენტია 60,62%. ხოლო წინა წლის ანალოგიურ საანგარიშო პერიოდთან შედარებით დანაშაულის პროცენტული კლებაა -17,05 %.