-
2014-09-16 14:35
პლასტიკური ქირურგის გია გვარამიას თქმით, ყველაზე ხშირად ქართველი ქალები მკერდს იდიდებენ და ცხვირის რინოპლასტიკას იკეთებენ.
პლასტიკურ ქირურგიაზე უარს არც ცნობილი ქართველები ამბობენ, სისტემატურად სტუმრობენ ქირურგს, ზოგი მკერდს იდიდებს, ზოგი ტუჩს, ზოგი წარბის ფორმას იცვლის, ზოგი ზედმეტ კილოგრამებს იშორებს.
ნინა წკრიალაშვილი ერთ-ერთი პირველია, ვინც საკუთარ პლასტიკურ ოპერაციებზე ხმამაღლა ილაპარაკა. ნინას, ცხვირის ოპერაციასთან ერთად, დაპატარავებული აქვს თვალის ბალიშები და შეცვლილი აქვს ტუჩების ფორმა.
სოფო ნიჟარაძის ახლობლების გადმოცემით, მომღერალმა პლასტიკურ ქირურგიას არაერთხელ მიმართა. კერძოდ, გაიდიდა მკერდი, ტუჩი და შეიცვალა ცხვირის ფორმა.
როგორც ნანუკა გოგიჩაიშვილი ამბობს, მხოლოდ ცხვირის ოპერაცია აქვს გაკეთებული.
ერთ-ერთ ინტერვიუში ნანუკამ განაცხადა, რომ პლასტიკური ოპერაციის გაკეთება ძალიან იოლი ყოფილა და ერთხელ თუ გაიკეთებ, მერე კიდევ და კიდევ გინდა გარეგნობაში რაიმეს შეცვლაო...
თამუნა მუსერიძემ „პროფილისთვის“ გაიდიდა მკერდი. ეს ოპერაცია გადაცემაშიც აჩვენეს. ამბობს, რომ ამის გამო დედა ძალიან გაუბრაზდა და რამდენიმე თვე ტიროდა...
გარეგნობა შეიცვალა ჟურნალისტმა ინგა გრიგოლიამ. წლების წინ, როცა ეთერში პირველად გამოჩნდა, სულ სხვანაირი იყო, შემდეგ სახეზე ხალი მოიშორა და ვარცხნილობაც შეიცვალა. ამბობენ, რომ ცოტა ხნის წინ ინგამ ცხვირის ოპერაცია გაიკეთა.
„ყველა სიახლე“