„კაზანტიპის“ ადმინისტრაციის პრესსამსახურის უფროსი დილის 4 საათზე განხორციელებულმა ზარმა და არალოგიკურმა თხოვნამ წყობიდან გამოიყვანა.
„ძალიან გაბრაზებული ვარ, თორემ ისე არ დავწერდი!!! ზარი ტელეფონზე დილის 4 საათზე !
- გამარჯობათ, ნინო ხართ? მე xxxxx -მა მომცა თქვენი ტელეფონი ( ასახელებს ჩემ ერთ მეგობარს და გვარს ვერ იხსენებს) ახლა მეგობრებთან ერთად მოვდივარ კაზანტიპზე, ნუ ხო გესმით ჩვენ უბრალო ტიპები არ ვართ, ბიზნესმენები ვართ ( და ჩამომითვალა ვინ არიან!!!) ჩამოვალთ და მანდ ბევრი ფულის დახარჯვას ვაპირებთ. და იქნებ ვიზები დაგვახვედროთ..
- ბატონო?????
- ნუ ვიზები დაგვახვედრეთ რააა (და ისევ მეგობარს მიხსენებს, გვარი რო არ ახსოვს იმას!)
- გასაგებია, და მობრძანდით მერე გელოდებით, ჩემგან რას ითხოვთ???
- ნუ ვიზები გვინდა რო დაგვახვედროთ, ნუ უფასოდ რააა, სამაგიეროდ ჩამოვალთ და ბევრ ფულს დავხარჯავთ.
- და უკაცრავად, მე რატო უნდა მაინტერესებდეს თქვენ რამდენ ფულს ხარჯავთ, ან რატომ გადაწყვიტეთ რომ ვიზებს ვარიგებ???!!!
მოკლედ, ბევრი რომ აღარ გავაგრძელო, გაუთიშე, მარა ვინმემ იქნებ ამიხსნათ, ეს მახინჯური „გრუზინული" გაუგებარი მენტალიტეტი დამთავრდება ოდესმე ჩვენს ქვეყანაში??? არ დავწერდი, მართლა, უბრალოდ ეს მსგავსი შინაარსის პირველი ზარი არ იყო !
P.S. მათთვის ვისაც ჯერ კიდევ პირადად არ უნახავს რა ხდება რეალურად განმუხურის სანაპიროზე... იქ რომ მივდივარ, იმდენად ყველა ბედნიერი სახით დადის, ისე გიღიმის და გესალმება ყველა, იმდენი ლამაზი ფერი და უმაგარი მუსიკაა, რომ მართლა მავიწყდება რეალობა და დავბორიალობ ბედნიერი და გაღიმებული...
ძალიან დიდი ხანია (აქ ჩამოსვლამდე) აღარ დამიჭერია ჩემი თავი იმაში, რომ შეიძლება უბრალოდ გაგეღიმოს... გულიდან გაგეღიმოს“.... - წერს სტურუა.
