,,ერთიანი ნაციონალური" მოძრაობის წევრი ზურაბ ჭიაბერაშვილი მაისის თვეში და აგვისტოს თვეში შეძენილი ერთი და იმავე პრეპარატების ჩეკს აქვეყნებს, საიდანაც ჩანს რომ სამ თვეში მედიკამენტები 10% გაძვირდა.
,,2014 წლის 21 მაისს საჯაროდ, ტელეკამერების წინ შევიძინე მედიკამენტები თბილისის ერთ-ერთ აფთიაქში და გადავიხადე 22 ლარი და 81 თეთრი. ეს თანხა უკვე იმაზე მეტი იყო, რასაც მედიკამენტების ზუსტად იმავე ნაკრებში გადავიხდიდი 2012 წლის შემოდგომაზე (მაშინ ეს დოკუმენტურადაც წარმოვადგინე ასევე საჯაროდ).
გუშინ 2014 წლის 18 აგვისტოს სხვა პიროვნებას ზუსტად იმავე აფთიაქში მედიკამენტების ზუსტად იგივე ნაკრები შევაძენინე (უზარმაზარი რიგი იყო, ხალხი 1 სექტემბრამდე იმარაგებს წამლებს) და ჯამურმა ფასმა 25 ლარი და 11 თეთრი შეადგინა.
ფასების ზრდამ გასულ 3 თვეში მედიკამენტების ამ ბაზისურ ნაკრებზე დაახლოებით 10% შეადგინა. ეს შეიძლება უმნიშვნელოა რუსი ოლიგარქის, ბიძინა ივანიშვილისთვის და მისი ოჯახის პირადი ექიმის, დავით სერგეენკოსთვის, მაგრამ უამრავი ქართული ოჯახისათვის ფასების ასეთი ზრდა ძალიან საგანგაშოა.
თანდართული ქვითრებიდან მარცხენა მაისის ქვითარია, ხოლო მარჯვენა - აგვისტოსი.
შენიშვნა: ქვითრებზე ფარმაცევტული კომპანიის და მისი სადისტრიბუციო ქსელის, აგრეთვე, 18 აგვისტოს მედიკამენტების შემძენი პირის მონაცემები გადაშლილია. "-წერს ჭიაბერაშვილი.