2014-06-26 12:08

ექვსი თვის ბიუჯეტის შესრულებას სავარაუდოდ 100 -110 მილიონი ლარი დააკლდება. ბიუჯეტის გარღვევის მიზეზი ისევ გრანტები და კრედიტებია, - ამის შესახებ ინფორმაციას „ბიზნესრეზონანსი“ ავრცელებს.

„ბიზნესრეზონანსის“ ინფორმაციით, ხუთი თვის მონაცემებით ქვეყანაში დაგეგმილი გრანტების 46,5% შემოვიდა. ხოლო საგარეო ვალდებულებების კუთხით - 34,7%.

სახელმწიფო ბიუჯეტის ხუთი თვის შესრულების ანგარიშის მიხედვით შემოსულობების მაჩვენებელმა 3, 289 მრლდ ლარი შეადგინა. ანუ ექვსი თვის შესრულებას 790 მილიონი ლარი აკლია.

მაისში ბიუჯეტმა საკმაოდ დიდი თანხის 678 მილიონი ლარის მობილიზება შეძლო. „მთელი ივნისის განმავლობაშიამ რაოდენობის თანხის შეგროვება რომც მოხერხდეს, საბიუჯეტო გეგმას 110 მილიონი ლარი მაინც დააკლდება“, - ვარაუდობს „ბიზნესრეზონანსი“.