2014-06-25 15:42

რუსეთში, სუტენიორები 40 გოგონას სხეულის გაყიდვას აიძულებდნენ. როგორც province.ru იუწყება ისინი  გოგონებს წინააღმდეგობის შემთხვევაში ცოცხლად დამარხვით ემუქრებოდნენ. 

ტუმანის ოლქის პროკურატურამ 16 ივლისს აღნიშნული კრიმინალური დაჯგუფების 13 მონაწილე დააკავა. დაჯგუფება, რომელიც 2010 წელს გოგონებს სხეულით ვაჭრობას აიძულებდა, ახალგაზრდებისგან შედგებოდა.

ქალაქში სუტენიორები შავი ლექსუსის ჯიპებით გადაადგილდებოდნენ, გოგონებს დაცვა დაჰყვებოდა. გამოცემის ცნობით აღნიშნულმა დაჯგუფებამ კავშირები დაამყარა ადგილობრივ სასტუმროებთან. მათ 40-მდე სასტუმრო ემსახურებოდათ. 

როგორც რუსული პრესა იუწყება 40 გოგონადან 5 არასრულწლოვანი იყო. გოგონებს სუტენიორები კარგ ანაზღაურებას, კერძოდ, საათში 2000-3000 რუბლს, ასევე  ძვირფას ტანსაცმელსა და კოსმეტიკას ჰპირდებოდნენ, ხოლო მათ ვინც ამ პირობებზე არ მიდიოდა, სცემდნენ და აუპატიურებდნენ.

ზოგიერთები გარბოდნენ, თუმცა უაერსი ზეწოლის ქვეშ ვარდებოდნენ. ერთ-ერთი გოგონა, რომელმაც გაქცევა სცადა, ბანდიტებმა იპოვეს, წაიყვანეს სასაფლაოზე და ცოცხლად დამარხვით დაემუქრნენ, მაშინ გოგონამ უკან დაბრუნება ითხოვა.

წყარო: news.ge