2014-06-18 18:17

სახალხო დამცველი კონფლიქტურ ზონიდან აყვანილ პატიმართა და გამყოფ ხაზთან დაკავებული ადამიანების გათავისუფლების რეკომენდაციით გამოდის.

უჩა ნანუაშვილის თქმით, ეს შეიძლება მოხდეს ვადაზე ადრე გათავისუფლების, ამნისტიისა ან შეწყალების გზით და პროცესი ქართული და ოსური მხარეების მიერ, ერთობლივად უნდა განხორციელდეს. ომბუდსმენის მონაცემებით, 31 მაისის მდგომარეობით, ე.წ. სამხრეთ ოსეთის გამყოფ ხაზზე 70, ხოლო აფხაზეთის გამყოფ ხაზზე საქართველოს 107 მოქალაქე იყო დაპატიმრებული.

უჩა ნანუაშვილის აღნიშნავს, რომ ცხინვალის ციხეში 3 ქართველის პატიმარი რჩება, ხოლო საქართველოს ციხეებში ორივე მხარეს მცხოვრები 11 პატიმარი იხდის სასჯელს. სახალხო დამცველი როგორც ქართულ, ისე აფხაზურ და ოსურ მხარეს მოლაპარაკებისკენ მოუწოდებს.