2014-05-09 15:30

Postavil statuetku Stalina v centre Gori - ასეთი აღწერა გაუკეთა "ევრაზიის ინსტიტუტის" წარმომადგენელმა და ლიდერმა საქართველოში ირაკლი ყიფიანმა ფოტოს, რომელიც გამოაქვეყნა. ფოტოზე გეორგიევსკის ლენტებით მკერდდამშვენებული ახალგაზრდები სტალინის ბიუსტთან პოზირებენ, რომელიც სსრკ-ს გერბითაა დამშვენებული.

როგორც ფოტოდან ჩანს, სტალინის ბიუსტი გორში მანქანით, საგანგებოდ ამ ღონისძიების გასამართად მიიტანეს. აქცია 9 მაისის დღესასწაულის აღნიშვნას მიეძღვნა. გორის ცენტრში რუპორით მისულმა "ევრაზიის ინსტიტუტის" წარმომადგენლებმა მოსახლეობას მოუწოდეს, მიეგოთ პატივი სტალინის ხსოვნისთვის, თუმცა, მათ მოწოდებას მხოლოდ რამდენიმე, ხანშიშესული მოქალაქე გამოეხმაურა.