2019-05-10 15:51

გადაცემა „სტუმრად ნინოსთან“ მორიგი სტუმარი, მოდის ექსპერტი დალი ჩიტალაძე გახლდათ.

„გემოვნება ღმერთისგან ბოძებული ნიჭია, ის ან გაქვს ან არა და თუ გაქვს, ამასაც განვითარება სჭირდება“-

აღნიშნა ჩიტალაძემ. მისი თქმით არც ერთი ადამიანი მოდას არ უნდა მიყვეს, უბრალოდ უნდა ვიცოდეთ რა

არის ამა თუ იმ წელს ტენდენციური. „როცა ერთ ორ დეტალს აიღებ ტენდენციურს, თუნდაც ფეხსაცმელსა და

აქსესუარს, უკვე ხდები ტრენდული.“

დალიმ გადაცემაში ახლახანს ჩატარებული მოდის კვირეულიც შეაფასა და აღნიშნა, რომ: „თამუნა ინგოროყვამ

ფილარმონიის სცენაზე გვაჩვენა უმაგრესი კოლექცია. ყველა შავებში უნდა ვყოფილიყავით და თვითონ

კოლექცია ძალიან ფერადი იყო. მინდა აღვნიშნო ანუკი არეშიძე, მისი ისეთი ზრდა იყო და ძალიან მომეწონა

კოლექცია. მთლიანობაში კონცეფცია ძალიან შეკრული და ტენდენციური გალხდათ. დათუნა სულიკაშვილმა

საერთოდ აღმაფრთოვანა.“

გადაცემის დასასრულს კი დალი ჩიტალაძემ თავის მოვლასთან დაკავშირებული რჩევებიც მოგვცა: „ვცდილობ,

ჯანმრთელად ვიკვებო, რომლის რაციონი აუცილებლად მრავალფეროვანია, ხილი, ბოსტნეული, ცილა.

დღეში სამჯერ ვიკვებები და შუალედში ვიხემსები კიდეც. მნიშვნელოვანია წყალი, ჩემი დილა იწყება

აუცილებლად წყლის სმით. ასევე აუცილებელია ძილი, მართალია, ღამის ცხოვრება მიყვარს, მაგრამ

ყოველთვის ვცდილობ 8 საათი მაინც ვიძინო. უმნიშვნელოვანესია ვარჯიში, ერთხელ ამერიკაში მითხრეს,

თუ არ ივარჯიშებ დაავადდებიო. გადაღლას ყოველთვის მიხსნის ვარჯიში. არასდროს მოწიოთ სიგარეტი და

მოერიდეთ ალკოჰოლს, ამით ვნებთ როგორც ჯანმრთელობას, ასევე ხელს უწყობთ კანის დაბერებას.“

ნინი აბრამიშვილი