2014-12-24 11:39

გავრცელებული ინფორმაციით,  გასულ კვირას ტელეწამყვან სამორი ბალდესა და მისი რჩეულის, სოფო ბარნოვის ნიშნობა ერთ-ერთ რესტორანში შედგა.

ორმოცდაათკაციან სუფრასთან წყვილის მშობლები და ახლობლები შეიკრიბნენ.

სპეციალურად ამ დღისთვის საქართველოში ჩამოვიდა სამორის მამა.

იგივე ინფორმაციით, სოფოს და სამორის  ქორწილის თარიღი უკვე დაგეგმილი აქვთ.

„ცეკვავენ ვარსკვლავების“ პირველი სეზონის გამარჯვებულის რჩეულს, სოფო ბარნოვს სამხატვრო აკადემია აქვს დამთავრებული და წლებია, ანსამბლ ''ერისიონში''ცეკვავს.

„იმედის“ დილის ეთერის წამყვანს ჟურნალისტებთან პირად თემებზე საუბარი არ უყვარს.

 „რეიტინგიდან“ საუბარში სოფომაც მოიბოდიშა, რომ პირად ცხოვრებაზე საუბარი არც მას უყვარს, განსაკუთრებით მაშინ, როცა საკითხი სამორთან არ აქვს შეთანხმებული.