2014-12-06 23:56

„მსოფლიოში ყველაზე პატარა სუპემოდელად“ მონათლული ქრისტინა პიმენოვას დედა სოცქსელების მომხმარებელთა ნაწილის მხრიდან კრიტიკის ობიექტი გახდა - ისინი ქალს შვილის სექსუალური კუთხით წარმოჩენისთვის აკრიტიკებენ.

მომხმარებლები მიიჩნევენ, რომ დედის მიერ გამოქვეყნებული ფოტოებით ის შვილის სექსუალიზებას ახდენს და პროვოკაციულ ფოტოებს უღებს მას.

„თქვენ პედოფილის მსგავსად უნდა აზროვნებდეთ, რომ ამ ფოტოებში რაიმე სექსუალური დაინახოთ, წადით და იმკურნალეთ“, - პასუხობს გლიკერია პიმენოვა თავდამსხმელებს. უნდა აღინიშნოს, რომ 9 წლის ქრისტინა არნახულად პოპულარული გახდა „ფეისბუქსა“ და „ინსტაგრამზე“ მისი ფოტოების გამოქვეყნების შემდეგ.

„არ ვეთანხმები მათ ბრალდებებს“, - ამბობს დედა, -„მიმაჩნია, რომ ქრისტინას ფოტოები უმანკოა. მეტიც, მე მას მალულად ვუღებ, რადგან დიდად არ ხიბლავს პოზირება“.

ქრისტინამ არაერთხელ გადაიღო ფოტოსეანსი ისეთი ბრენდებისთვის, როგორიცაა Armani, Roberto Cavalli და Benetton. „ცოტა ხნის წინ მე გამოვაქვეყნე ქრისტინას ფოტო, სადაც ის მალდივის ერთერთ სანაპიროზე, სამ სათამაშოს იკრავს გულში და იღიმება, მათ კი სოცქსელებში დამიწერეს, რომ თითქოს გოგონა მალავს თავის მკერდს, რადგან იცის, რომ ის დასამალია. წარმოგიდგენიათ? მე მგონია, რომ ადამიანებს, ვინც ამას წერენ, სერიოზული ფსიქოლოგიური პრობლემები აქვთ“, - ამბობს ქრისტინას დედა.

„სამწუხაროდ, ჩემი შვილი ასევე იქცევს მათ ყურადღებასაც, ვისაც პირადი პრობლემები აქვთ და მიჩვეული არიან სხვისთვის ტალახის სროლას“, - დაამატა გლიკერია პიმენოვამ.