2014-12-04 11:17

მომღერალმა ბუბა კიკაბიძემ ქართული წარმოშობის რუს მომღერალს, გრიგორი ლეპსს უსინიდისო კაცი უწოდა.

მისი თქმით, ლეპსმა რუსეთის პრეზიდენტის მხარდასაჭერ წერილს ხელი მოაწერა.

აქედან გამომდინარე, პუტინის მხარდამჭერი მომღერალი საქართველოში არ უნდა ჩამოდიოდეს.

„უსინდისო კაცია, ეტყობა, აბა რა გითხრათ. მე მაგალითად, არ წავალ მაგის კონცერტზე. თუ თავმოყვარეობა აქვს იმ პრორუს ადამიანს, საერთოდ არ უნდა ჩამოვიდეს.

რაც შეეხება ჩევნთან მყოფ პრორუს ადამიანებს, იარონ, მაშინ ხალხი განსჯის. ძალიან ბევრი ჩემი კოლეგა ჩაიჭრა, ამის თქმა მინდა, ძალიან ბევრი ჩემი კოლეგა, ვგულისხმობ არა მხოლოდ ქართველებს,“- განაცხადა ბუბა კიკაბიძემ "პირველ რადისოთან " საუბრისას.

შეგახსენებთ, რომ  მომღერალმა გრიგორი ლეპსმა, რომელმაც ყირიმის ანექსიის წინ რუსეთის კულტურის მოღვაწეების მიერ პუტინის მხარდასაჭერ წერილს ხელი არ მოაწერა, რუსეთის პრეზიდეტს დაგვიანებით გამოუცხადა მხარდაჭერა.

„მე ჩემი ქვეყნის მოქალაქე ვარ, პატივს ვცემ ჩემს პრეზიდეტს და ყველაფერს რასაც ის აკეთებს. მე მას ვენდობი და დიდ პატრივს ვცემ...

რუსეთისთვის როგორც ჩანს ძალიან კარგი იქნება თუ ყირიმი მის შემადგენლობაში იქნება და თუ პრეზიდენტმა ასე გადაწყვიტა,  ეს ასე უნდა იყოს“,- განაცხადა მან.

შეგახსენებთ რომ გრიგორი ლეპსს სპორტის სასახლეში 7 დეკემბერს კონცერტი აქვს დაგეგმილი.