2014-12-03 15:13

როგორც მსახიობი გია როინიშვილი აცხადებს, ძალიან მკაცრი მამა არ არის და შვილებისთვის ძალით არაფერი მოუხვევია თავს.

„იქნებ რაღაც ისე და იმდენი ვერ მივაწოდე, რომ გაეგო, თუნდაც ჩემი პირადი მაგალითით ან საუბრით, მაგრამ ორივე შვილი დამოუკიდებელია.

ჩვენ ყველა თემაზე ვსაუბრობთ, მაგრამ გადაწყვეტილებებს თვითონ იღებენ, როგორც პროფესიულს, ასევე პირადთან დაკავშირებულს. მარიამის განქორწინება ძალიან რთული თემაა, ამაზე საუბარი არ მიყვარს.

მარიამის გათხოვებაც და და მათი დაცილებაც ყველაზე გვიან გავიგე. ვთვლი, რომ ყველანაირი თვალსაზრისით, ალბათ რაღაც მოვაკელი, მაგრამ ამაზე ლაპარაკი არასწორად მიმაჩნია. ასე მოიტანა ცხოვრებამ.

რაღაც პერიოდი ჩემ გარეშე მოუწიათ ცხოვრება, თუმცა ეს არ ნიშნავს, რომ ჩემთან კონტაქტი არ ჰქონიათ. სწორად გამიგეთ, ალბათ ყველაზე რთული ჩემთვის იყო, როცა დილით ვიღვიძებდი და გვერდით ჩემ შვილებს ვერ ვხედავდი, საღამოს კი სახლი ცარიელი იყო. ამის უკმარისობა ყოველთვის მექნება“, - განაცხადა გია როინიშვილმა.

 „სარკე“