2014-06-09 10:07

ამერიკელ მულტი-მილიონერთან უორენ ბაფეტთან სადილი, eBay -ის ინტერნეტ-აუქციონზე 2,17 მილიონ დოლარად გაიყიდა. აუქციონის გამარჯვებული გახდა სინგაპურის მოქალაქე ენდი ჩუა, კომპანია EMES-დან.

ხუთდღიან აუქციონში, eBay -ის 12 მომხმარებელი მონაწილეობდა, საერთო ჯამში კი 121 განაცხადი შევიდა. შარშან ბაფეტთან ტრაპეზა 1 მილიონი დოლარი დაჯდა. რეკორდი კი, 2012 წელს დაფიქსირდა, როდესაც სადილში 3 456 789 დოლარი გადაიხადეს. მყიდველმა მაშინ ინკოგნიტოდ დარჩენა ისურვა. ამ წელს საქველმოქმედო აუქციონი უკვე 15-ჯერ გაიმართა. საწყისი ფასი 25 ათასი დოლარი იყო. უორენ ბაფეტს, ფორბსის მილიარდელთა რეიტინგში მე-3, ხოლო გავლენიან ადამიანთა რეიტინგში კი მე-13 ადგილი უკავია. მისი შემოსავალი 65,9 მილიარდ დოლარს შეადგენს.