2014-09-25 12:12

ალჟირელმა ჯიჰადისტებმა, რომლებიც "ისლამურ სახელმწიფოსთან" არიან დაკავშირებული, ინტერნეტში ვიდეო გაავრცელეს, სადაც ფრანგი ტურისტის ერვე გურდელის თავის მოკვეთის კადრებია ასახული. 

"ბიბისის" ინფორმაციით, ერვე გურდელი ჯიჰადისტებმა გასულ კვირას მძევლად აიყვანეს ალჟირში. ვიდეო ინტერნეტში სახელწოდებით "სისხლიანი გზავნილი საფრანგეთის მთავრობას" გავრცელდა. 
საფრანგეთის პრეზიდენტმა ფრანსუა ოლანდმა მომხდარი მკაცრად დაგმო და სასტიკი ქმედება უწოდა. 

"ერვე გურდელი მკვდარია იმიტომ, რომ მისი ქვეყანა საფრანგეთი ტერორიზმს ებრძვის", - განაცხადა ფრანსუა ოლანდმა. 
მისივე თქმით, საფრანგეთი გააგრძელებს ერაყში "ისლამური სახელმწიფოს" წინააღმდეგ ავიაშეტევებს. 
"ბიბისის" ცნობით, ფრანგ ტურისტს თავი მას შემდეგ მოკვეთეს, რაც საფრანგეთისთვის მიცემული ვადა ამოიწურა, შეეწყვიტა ავიაშეტევები ერაყში.