2020-03-09 16:36

მესამე თვეა კორონავირუსი მსოფლიოს ათობით ქვეყანას დიდ საფრთხეს უქმნის. 

ჯანმრთელობის მსოფლიო ორგანიზაციის მონაცემებით, დღეისთვის კორონავირუსით ინფიცირების შემთხვევები

მსოფლიოს 99 ქვეყანაში არის დაფიქსირებული. ვირუსით ინფიცირების სულ 106,026 შემთხვევა; გამოჯანმრთელების 

59,922 და გარდაცვალების  3,601 შემთხვევა არის დაფიქსირებული. უკანასკნელ დღეებში ინფიცირების შემთხვევები

ყველაზე მაღალი ტემპით იტალიაში გაიზარდა, სადაც ამ დრომდე ვირუსით გარდაცვლილთა რაოდენობა 233-ს შეადგენს.

მიუხედავად იმისა, რომ ვირუსი მსოფლიოს ათობით ქვეყნის მოსახლეობის ჯანმრთელობას ებრძვის, 

ამ დრომდე რჩება რამდენიმე ქვეყანა,სადაც  კორონავირუსის შემთხვევები არ დადასტურებულა. 

მათ შორისაა საქართველოს მეზობელი ქვეყანა-თურქეთი. 

როგორც ცნობილი გახდა, თურქეთის ჯანდაცვის სამინისტრომ საკმაოდ ოპერატიულად იმოქმედა. აეროპორტებში

თერმული მონიტორები განათავსა და ირანთან და ერაყთან საზღვრებზე ააშენა ე.წ. საველე საავადმყოფოები.

ამ ქვეყნებიდან შემოსული ადამიანები მაქსიმალურად კონტროლდებოდნენ. თურქეთს მიმართა არაერთმა

წამყვანმა სახელმწიფომ, მათ შორის იტალიამ და ამერიკის შეერთებულმა შტატებმა და თურქეთის ჯანდაცვის

სამინისტროს სთხოვდნენ ტესტ აპარატებს, რომელსაც თურქეთი კორონავირუსის დასადგენად იყენებს.

ეს ტესტები 90-იდან 120 წუთამდე დროში ადგენს აქვს თუ არა ადამიანს კორონავირუსი.

გამომდინარე მათი გამოცდილებისა,მსოფლიოს ქვეყნები არაერთ რეკომენდაციას ელიან თურქეთისგან.