-
2015-12-08 15:45
ბოსფორის სრუტის გავლისას რუსულ სამხედრო გემზე "Цезарь Куников" რუს სამხედროს მხარზე გადასატანი საზენტო-სარაკეტო კომპლექსი "სტრელა" ჰქონდა მხარზე გადებული, რაც თურქულმა მედიამ შეაფასა, როგორც პროვოკაცია.
რუსი სამხედრო მოსამსახურის მხარზე შემოდებული კომპლექსი თურქეთის ნაპირისკენ იყო მიმართული. ჟურნალისტებმა ფოტოს გადაღებაც მოახერხეს. სასეირნო კატარღის მგზავრებმა განაცხადეს, რომ როცა რუსულ ხომალდს გვერდით ჩაუარეს, სამხედრომ "სტრელა" ჰაერში გაიშვირა.
"Цезарь Куников" რუსეთის შავი ზღვის ფლოტში შემავალი მცურავი საშუალებაა, ის ბოსფორის გავლით 4 დეკემბერს გადაადგილდებოდა. თურქეთის საგარეო საქმეთა მინისტრმა განაცხადა, რომ ახლა, როცა რუსეთსა და თურქეთს შორის ურთიერთობა დაძაბულია, რუსი სამხედროს საქციელი შეუფერებელია:
"როგორ უნდა გაიარონ ბოსფორის სრუტე ხომალდებმა, მონტრეს ხელშეკრულებაშია ჩაწერილი. ის, რაც რუსული ხომალდის ბორტზე ხდებოდა, ჩვენ აღვიქვით, როგორც პოტენციური საფრთხე და პროვოკაცია", - განაცხადა მინისტრმა.
"თული მომავალში გაგვიჩნდება განცდა, რომ საფრთხე რეალურია, ჩვენ იძულებული ვიქნებით, საპასუხო ზომები მივიღოთ", - განაცხადა საგარეო საქმეთა მინისტრმა.