უკრაინის უსაფრთხოების სამსახურმა გაასაჯაროვა ვიდეომასალა, სადაც ასახულია, როგორ დააკავეს ოლიგარქი გენადი კორბანი. სპეცდანიშნულების რაზმის წევრებმა შიგნიდან ჩაკეტილ მის ბინაში შეაღწიეს.
თავდაპირველად მათ კორბანი გამოეგება: "რას აკეთებთ? სად მოძვრებით? ეს ჩემი სახლია, აქ ჩემი შვილები ცხოვრობენ", - ყვიროდა ის. პროკურატურის წარმომადგენელმა მას ბრალი წარუდგინა, შემდეგ კი სპეცრაზმელებს მისი დაკავება უბრძანა. დაკავებამდე კორბანმა სახლის სიღრმეში მიმალვა სცადა, მაგრამ უშედეგოდ.