-
2015-10-06 14:26
აშშ-ის საზღვაო ძალების ნაღმოსანი USS Porter (DDG 78) ოპერაცია Atlantic Resolve-ს ფარგლებში შავ ზღვაში შევა. ამის შესახებ აშშ-ის სამხედრო-საზღვაო ძალების მეექვსე ფლოტის ვებ-გვერდი იტყობინება.
ოპერაციის მიზანია საზღვაო უსაფრთხოებისა და სტაბილურობის, მზადყოფნისა და აშშ-ის პარტნიორებთან სამხედრო-საზღვაო პოტენციალის ამაღლება.
"ისეთი სამხედრო-საზღვაო ობიექტები, როგორიცაა USS Porter, აგრძელებენ იმის დემონსტრირებას, თუ რატომაა საჭირო წინახაზზე ყოფნა. მათი ჩართულობა ჩვენს პარტნიორებთან ურთიერთქმედებას და თანამშრომლობას სრულყოფილს ხდის", - აღნიშნავს მეექვსე ფლოტის მეთაური ჯეიმს ფოგო.
აღსანიშნავია, რომ შავ ზღვაში უსაფრთხოებას უკვე უზრუნველყოფს იქ მყოფი კიდევ რამდენიმე სამხედრო ხომალდი, რომლებიც ასევე, მეექვსე ფლოტს ეკუთვნის. ასე მაგალითად, აგვისტოს ბოლოს სავ ზღვაში შევიდა ამერიკული ნაღმოსანი Donald Cook, ხოლო ზაფხულის დასაწყისში აკვატორიაში გამოჩნდა ამერიკული ხომალდი USS Ross.