2015-01-16 22:27

სომხეთის ჯანდაცვის მინისტრის არმენ მურადიანის მონაწილეობით 16 იანვარს დილით სამედიცინო კონსილიუმი ჩატარდა, რათა განეხილათ 12 იანვარს გიუმრიში რუსი ჯარისკაცის მიერ ავეტისიანების ოჯახის წევრების დახოცვისას სიკვდილს სასწაულებრივად გადარჩენილი ჩვილის მდგომარეობა.

სერჟ ავეტისიანს კონსილიუმის გადაწყვეტილებით, ურთულესი ნეიოროქირურგიული ოპერაცია ჩაუტარდა. ოპერაციის მიზანი ჩვილის სიცოცხლის გადარჩენა და მომავალში მისი ინვალიდად დარჩენის პრევენცია იყო.

ოფიციალური ინფორმაციით, ოპერაცია, რომელიც 20 წუთის განმავლობაში გაგრძელდა, წარმატებით დასრულდა. ამჟამად სერჟ ავეტისიანი ბავშვთა რეანიმაციის განყოფილებაში იმყოფება, თუმცა, მისი მდგომარეობა ისევ სტაბილურად მძიმეა.