-
2014-06-04 12:40
პრემიერის თქმით, მისი მთავრობა იპოვის ოქროს შუალედს უკანონო მოსმენებთან და სახელმწიფო უსაფრთხოებასთან დაკავშირებით.
ამის შესახებ მან უკანონო მოსმენებთან დაკავშირებით პირველი მოსმენით მიღებულ კანონპროექტის კომენტირებისას განაცხადა.
ირაკლი ღარიბაშვილი მიიჩნევს, რომ ე.წ. გასაღები მობილური ოპერატორების ხელში არ უნდა იყოს, თუმცა მიზეზებზე არ საუბრობს.
„ ჩვენ გვაქვს სურვილი და რეალური მოტივაცია, რომ ძლიერი სახელმწიფო ავაშენოთ. რა თქმა უნდა, ასეთ დროს სახელმწიფო უსაფრთხოება დაცული უნდა იყოს მაღალ დონეზე. ამ ეტაპზე მიმაჩნია, რომ ეს გასაღები არ უნდა იყოს მობილური ოპერატორების ხელში. გარწმუნებთ, რომ შევიმუშავებთ დაბალანსებულ მექანიზმს, რაც გამორიცხავს უკანონო მოსმენების შესაძლებლობას და მეორეს მხრივ, უზრუნველყოფს სახელმწიფო უსაფრთხოების დაცვას.“